logo

പേരിനൊപ്പം 'മുസ്ലിം' വേണ്ട; അലിഗഡ് യൂണിവേഴ്സിറ്റിയുടെ പേര് മാറ്റാൻ കേന്ദ്ര സർക്കാർ നീക്കം

News Desk | Updated on:   Sep  04,  2018  10:43 pm

എന്നാൽ അ​ലി​ഗ​ഡ്, ബ​നാ​റ​സ് സ​ർ​വ​ക​ലാ​ശാ​ല​ക​ളു​ടെ പേ​രു​മാ​റ്റാ​ൻ നി​ല​വി​ൽ പ​ദ്ധ​തി​യി​ല്ലെന്നാണ് കേ​ന്ദ്ര മാ​ന​വ​വി​ഭ​വ​ശേ​ഷി വ​കു​പ്പു മ​ന്ത്രി പ്ര​കാ​ശ് ജാ​വ​ദേ​ക്ക​ർ അറിയിച്ചു.

ന്യൂഡൽഹി: അ​ലി​ഗ​ഡ് മു​സ്ലിം യൂ​ണി​വേ​ഴ്സി​റ്റി​യു​ടെ പേ​രി​നൊ​പ്പ​മു​ള്ള 'മു​സ്ലിം’ എ​ടു​ത്തു​ക​ള​യാ​നുള്ള നീക്കവുമായി കേന്ദ്രസർക്കാർ. വി​ദ്യാ​ഭ്യാ​സ സ്ഥാ​പ​ന​ങ്ങ​ളു​ടെ പേ​രു​ക​ളി​ൽ ഹി​ന്ദു, മു​സ്ലിം എ​ന്നി​ങ്ങ​നെ ഉ​ൾ​പ്പെ​ടു​ത്തു​ന്ന​ത് മ​തേ​ത​ര​ത്വ​ത്തി​നു വി​രു​ദ്ധ​മാ​ണെ​ന്നു കാ​ട്ടി യു​ജി​സി പാനൽ അലിഗഡ് മുസ്ലിം യൂണിവേഴ്സിറ്റി, ബ​നാ​റ​സ് ഹി​ന്ദു യൂണിവേഴ്സിറ്റി എന്നിവയുടെ പേരുകൾ മാറ്റണമെന്ന് കേന്ദ്രത്തോട് നിർദേശിച്ചിരുന്നു. പാ​ന​ൽ നിർദേശത്തെ മറയാക്കിക്കൊണ്ടു കേ​ന്ദ്രം അ​ലി​ഗ​ഡ് സ​ർ​വ​ക​ലാ​ശാ​ല​യോ​ടു മ​റു​പ​ടി തേ​ടിയിരിക്കുകയാണ്.

അ​തേ​സ​മ​യം, യു​ജി​സി​യു​ടെ നി​ർ​ദേ​ശം യു​ക്തി​ക്കു നി​ര​ക്കു​ന്ന​ത​ല്ലെ​ന്ന് അ​ലി​ഗ​ഡ് മു​സ്ലിം യൂ​ണി​വേ​ഴ്സി​റ്റി ഔദ്യോ​ഗി​ക​മാ​യി കേ​ന്ദ്ര​ത്തി​നു ന​ൽ​കി​യ മ​റു​പ​ടി​യി​ൽ പ്ര​തി​ക​രി​ച്ചു. ച​രി​ത്രം, ഉ​ദ്ദേ​ശ്യം, പ്ര​ത്യേ​ക​ത​ക​ൾ എ​ന്നി​വ സം​ബ​ന്ധി​ച്ച് ധാ​ര​ണ ന​ൽ​കു​ന്ന​താ​ണ് സ​ർ​വ​ക​ലാ​ശാ​ല​യു​ടെ പേ​രെ​ന്നും ഭ​ര​ണ​ഘ​ട​നാ ക​ട​മ​ക​ൾ പാ​ലി​ച്ചാ​ണ് സ്ഥാ​പ​നം മു​ന്നോ​ട്ടു​പോ​കു​ന്ന​തെ​ന്നും സ​ർ​വ​ക​ശാ​ല ര​ജി​സ്ട്രാ​ർ ജ​വൈ​ദ് അ​ക്ത​ർ വ്യ​ക്ത​മാ​ക്കി.

അ​ക്കാ​ദ​മി​ക്, ഗ​വേ​ഷ​ണ, സാമ്പത്തിക കാ​ര്യ​ങ്ങ​ളി​ൽ മാത്രമേ യു​ജി​സി​ക്ക് സ​ർ​വ​ക​ലാ​ശാ​ല​ക​ൾ​ക്കു നി​ർ​ദേ​ശം ന​ൽ​കാ​ൻ കഴിയൂ എന്നും പേരുമാറ്റം നിർദേശിക്കുന്നത് യുജിസിയുടെ ഭരണപരമായ അവകാശമല്ലെന്നുമുള്ള വിമർശനങ്ങളും ഉയരുന്നുണ്ട്. എന്നാൽ അ​ലി​ഗ​ഡ്, ബ​നാ​റ​സ് സ​ർ​വ​ക​ലാ​ശാ​ല​ക​ളു​ടെ പേ​രു​മാ​റ്റാ​ൻ നി​ല​വി​ൽ പ​ദ്ധ​തി​യി​ല്ലെന്നാണ് കേ​ന്ദ്ര മാ​ന​വ​വി​ഭ​വ​ശേ​ഷി വ​കു​പ്പു മ​ന്ത്രി പ്ര​കാ​ശ് ജാ​വ​ദേ​ക്ക​ർ അറിയിച്ചു.

add image

Latest


add image
add image
add image
add image
Top